ശലഭ ജന്മം

ആദ്യം തമ്മില്‍ കണ്ടൊരു മാത്രയില്‍

അനുരാഗമെന്നില്‍ ചേര്‍ന്നിരുന്നു 

അനുഭൂതികള്‍ക്കു നീ നിറം പകരുന്നതും 

അറിയാതെ മനതാരിലോര്‍ത്തിരുന്നു 

ഒരിക്കലും മായാത്തോരോര്‍മ്മ തന്‍ ഓലയില്‍ 

എഴുതിയ സുന്ദര കാവ്യമായ് നീ 

ഒരു നല്‍ക്കിനാവിന്‍റെ നീറുന്നൊരോര്‍മ്മയായ് 

ഒഴുകി വന്നെന്തിനു നീ 

നേര്‍ത്തൊരു സുസ്മിതമധരത്തില്‍ ചാര്‍ത്തി നീ 

അരികില്‍ വന്നണയുന്ന നേരം 

നുകരാത്തൊരു നൂറു മുകുളങ്ങള്‍ പ്രാപിച്ച 

ശലഭമൊന്നായ്‌ ഞാന്‍ മാറി